Прокуратура Алматы облысындағы көлік жолдарының барынша қауіпті бөліктеріне назар аударды

16 Июня 2016 2045 Прокуратура, Алматыоблысы, көлікжолдары

Алматы. 16 маусым. Ақпараттар орталығы. Алматы облысының прокуроры көлік жолдарының барынша қауіпті бөліктерінде патрульді күшейтуді талап етті, деп хабарлады қадағалау ведомствосының баспасөз қызметінен.

Алматы облысының прокуратурасында облыс прокуроры Ғабит Миразовтың төрағалығымен жол қозғалысы қауіпсіздігін қамтамасыз ету бойынша ведомствоаралық кеңес өтті.

Хабарда айтылғандай, кеңес жұмысына облыс әкімінің бірінші орынбасары Л.Тұрлашов, облыстың ІІД бастығы М.Ұрұмханов, облыстың ІІД басқармасының жауапты басшылары, жергілікті полиция қызметі, «Қазавтожол» АҚ мен «ҚазАвтожол»РМК, сондай-ақ қоғам өкілдері қатысты. Бейнеконференцбайланыс арқылы барлық аудандық ішкі істер бөлімшелерінің бастықтары, жергілікті полиция қызметі мен аудан прокурорлары қатысты.

«Статистика бойынша тек 2016 жылдың 5 айында облыс жолдарында ЖКО-дан 135 адам көз жұмып, 873-і жараланды, ал «апаттық маусымның» өршитін кезеңі әлі болған жоқ», - делінген баспасөз қызметіндегі хабарда.

Прокурорлар жол-көлік оқиғаларының барлық фактілерін талдап, апат барысында адам өлімі көп тіркелген қауіпті жол бөлігін анықтады.

«Кеңес барысында облыс прокуроры аталмыш учаскелерде «қолмен басқару режиміне дейін» енгізе отырып, полицейлердің патрулін күшейтуді талап етті, себебі прокурордың бақылауы сол учаскелерде полицейлердің өзі тұрмақ, заманауи фиксация құралдарының да жоғын көрсетіп отыр», - делінген хабарда.

Сонымен қатар, облыс прокурорының Алматы-Қапшағай тас жолы бойында әр 200 метр сайын жол полицейлерінің тұруына қандай қажеттілік бар деген сұрағына қатысып отырғандардың ешқайсысы жөнді жауап бере алмады.

Мұнда «Балға қонған шыбындай» секілді жемқорлықтың болуы да мүмкін, деді кеңеске қатысушылар.

Жол мекемелеріне анықталған проблемалы учаскелерді тиісті техникалық жабдықпен жабдықтау шараларын қабылдаудан бастап, қарама-қарсы жолақтар арасында қоршаулар қою, белгілерді жарыққа шағылысатын сырлармен бояу, жекелеген жол белгілеріне қосымша жарық орнату секілді құрал-жабдықтардың заманауи түрін қолдану және т.б. талаптар қойылды.

Облыстың ІІД басшылығы ЖЖЕ жекелеген бұзушылар, солардың ішінде мас күйде көлік құралын айдағандар жауапкершіліктен құтылатын болса полиция қызметкерлеріне жұмыстан қууға дейін ең қатты шаралар қолдануды талап етті.